.
الله أكبر الله أكبر الله أكبر لا إله إلا الله ✨ الله أكبر الله أكبر ولله الحمد
نجي للوقاية والترطيب ✨
ترطيب البشرة ضروري جداً قبل الميكب ، لازم بشرتك تكون ندية ورطبة وخالية من القشور حتى يزبط عليها المكياج ، والترطيب مايكون فقط قبل الميكب الترطيب لازم يكون بشكل دوري حتى يعطي نتيجة . قبل الميكب بنصف ساعة وزعي المرطب المناسب لنوع بشرتك على وجهك .
البشرة الجافة تحتاج لمرطب كريمي ثقيل مثل لانكوم ، برايمر ميكب فورايفر الأبيض ، وفي أرخص مثل كيو في وبيبانتين
.
المختلطة والدهنية بحاجة لمرطب يكون قوامه خفيف مثل الجل او اللوشن أحب استخدم هيدرا من شانيل ، لانكوم بكمية قليلة او لوشن بيبانتين في الصيف لان بشرتي تكون دهنية اكثر وهذا خفيف جداً .
احيانا أرطب بشرتي بسيروم من ايف روشيه او فيتامين سي من ذَا بودي شوب روعة 👌🏻 او زيت جيرلان . .
.
.
ترطيب منطقة تحت العين بمرطب خاص لها يكون اخف من مرطب الوجه لان منطقة العين رقيقة وناعمة عشان مايتكتل الكونسيلر ويخطط بسبب الجفاف ، استخدم ايف روشيه ، جيرلان نتفة منه تكفي ، والطبقتين لابرري فيه مرطب للعين والشفاه ممتاز للسفر بس غالي .
. .
ترطيب الشفايف مهم جداً عشان يظهر الروج بمظهر مخملي ومتساوي بدون تشققات ، من المرطبات الجيدة الي استخدمتها كلارنس فزيييع 👌🏻نسيت أصوره 🙈 يوسرين ، لوكسيتان ، باي تيري .
نجي لخطوة الوقاية من الشمس اعتبرها أهم خطوة قبل الميكب
خاصة في النهار ✨
.
الواقي الشمسي :
مهم حتى في الغيم
يقلل التصبغات والتجاعيد
يحميكم من شيخوخة البشرة المبكرة بسبب الشمس يعني يخلي شكلكم أصغر من عمركم مع مرور الوقت
يقلل من سرطان الجلد خاصة الي بشرتها فاتحة
مهم للي تشتكي من الكلف والتصبغات وتبي تحافظ على شبابها 😍
لازم تستخدمي الواقي الشمسي كقاعدة قبل اي شي على وجهك ولو كان الفاونديشن يحتوي على نسبة حماية مايكفي ، نسبة الحماية لازم تكون فوق +٣٠
.
واقي الشمس المفضل عندي هذا من بيوديرما اسمه اكوافلويد بنسبة حماية +٥٠ وهذي النسبة هي أفضل نسبة موصى بها ، ميزته انه يتوزع بسهولة ومايقلب لونه ابيض ولا يتقشر ، وفي منه بلون خفيف ، تكلمت عنه بالتفصيل من قبل وعلى فكرة يغنيني عن استخدام المرطب لان فيه نسبة ترطيب 👌🏻
. .
ملاحظة : المنتجات الي أذكرها ماهو شرط تتقيدو فيها تقدرو تستبدلوها بأي منتجات شبيهة لها ، المهم تأدي نفس الغرض 😉
. .
حبيتو ❤️❤️
.
يتبع 👈 البرايمرز او البيس .
ليست هناك تعليقات:
إرسال تعليق