سلسلة تعليم أساسيات المكياج و أدواته للمبتدئات / ٧- الكونتور و الهايلايت

. .

اليوم بتكلم عن الكونتور والهايلايت
تقنية الكونتور ( النحت او التحديد ) و الهايلايت ( الإظهار أو الإبراز )
من معنى كل كلمة نستدل عَلى الغرض من هذي التقنية .
✨الكونتور يستخدم لتحديد الملامح وبالتالي تصغيرها أو إخفاءها
فمثلاً اللي أنفها كبير تسويله كونتور فيظهر بشكل أصغر وهكذا 👃🏻 .
✨والهايلايت على العكس يبرز المكان فمثلاً منطقة الفك عندك نحيفة وضيقة حطيلها هايلايت تظهر بشكل عريض و ممتلئ 👩🏼 نجي للأدوات الي نحتاجها لتطبيق هذي التقنية :
.
تحتاجين للونين :
الأول للكونتور : لازم يكون بني مايل على رمادي عشان يعطيج لون ظل وانعكاس طبيعي ، وابتعدو عن البني المايل للأورنج ، الي يعطي لون البرونز .  الثاني للهايلايت : لازم يكون أفتح من لون بشرتك بدرجتين على الأقل عشان ينور و يبرز المنطقة .

الكونتور والهايلايت : يتوفر بتركيبة باودر أو كريمية
للاستخدام اليومي وخاصة للمبتدئات الأفضل لهم اختيار ✨الكونتور البودرة ، لأنه أسهل لهم بالتطبيق و التوزيع و الدمج ، و يمكن آلتحكم فيه بسهولة
من الأمثلة عليه
باليت كونتور وهايلايت نكس
هذا الباليت من اروع ماجربت ، شامل و فيه اكثر من درجة للكونتور والهايلايت بحيث تناسب اغلب البشرات ، وسعره اقتصادي 👌🏻 من الباليتات الحلوة كات فون دي وانستازيا 👌🏻✨
.
الي ماتحب الباليتات الكبيرة في خيارات ثانية صغيرة ممتازة
مثل كونتور نارس هذا ناااار لونه قوي وواضح ، ماك حلو لاستعمال يومي ،  وميكب فورايفر ، و ممكن تستخدمي لون فردي مثل باهاما من ذَخا بالم ، وإذا عندك اي بودرة غامقة مايلة للرمادي تقدرين تستخدميها ككونتور  او بودرة فاتحة تستخدميها كهايلايت
كونتور البودرة أسهل طريقة لتوزيعه بالفرشة الي تكون مشطوفة ، و يتم دمجه بالفرشة نفسها ، او فرشة دمج .
✨الكونتور الكريمي :
وهذا أقسمه لقسمين
قسم ثقيل و يحتاج دمج كتير حتى يطلع بشكل مرتب ومايتكتل
وهذا مناسب للحفلات ويثبت وقت أطول من البودرة ، وخاصة إذا وزعتيه وثبتيه بالكونتور البودرة ، مايتحرك
من أسهر الأمثلة عليه عجلة كاريولاين ، اللون البني كونتور و الأصفر هايلايت ، أشوفه مناسب للبشرة الجافة أكثر
و باليت ماك ممتاز ، و باليت انستازيا
القسم الثاني كريمي بعد لكن أخف من 👆🏻
مثل أقلام كونتور سماش بوكس روووعة سهلين بالرسم والدمج وبقلبون بودرة
قلم كونتور سيفورا يجي بطرفين كونتور وهايلايت
باليت لوريال تركيبته خفيفة ويقلب بودري ودمجه سهل
و ممكن تستخدمين اي كونسيلر عندك فاتح كهايلايت
.
خطوة الكونتور الكريمي تجي بعد الانتهاء من خطوة
الفاونديشن والكونسيلر
الأفضل توزيعه بفرشة ، الكونتور ثم الهايلايت ، وبعدها يتم دمجه إما بفرشة مخصصة للكونتور الكريمي ، او ببيوتي بلندر رطبه اما بماء او بقطرة زيت للوجه او بفكس بلس لتسهيل عملية الدمج
تدمجي الهايلايت اول و بعدها الكونتور بالطبطبة و بلطف حتى مايختفي اللون ، و لثبات أطول ثبتيه بكونتور بودرة 👌🏻✨
.
هل الكونتور خطوة أساسية في الميكب ؟ ✨

بالنسبة لي لا ممكن الإستغناء عنه ، على الرغم من انه ممكن يغير الملامح بشكل كبير إذا تم تطبيقه بشكل متقن و صحيح و يخلي الوحدة كأنها  مسوية عملية تجميل ( هذا غالباً يستخدمونه للعرايس والعارضات للتصوير ) مع ذلك ما أحبذ  تطبيقه بشكل يومي ، إلا أذا كان خفيف وبودري ( يعطي جمالية للوجه بدون مبالغة )💖
ممكن أنصح فيه إذا عندك مناسبة ، أو تصوير

.
أهم نقطة في موضوع الكونتور و الهايلايت :  لابد لكل وحدة فيكم إنها تكون عارفة لشكل وجهها وايش التكنيك الي يناسبه قبل لا تبدأ بتطبيق الكونتور والهايلايت ، ايش الأماكن الي تبي تبرزها و الثانية الي تبي تخفيها ، حتى توصل لنتيجة مرضية وما تطلع معاها خريطة العالم 😬
في أشكال مختلفة للوجوه و كل شكل له كونتور يناسبه ، مايصير وحدة شكل وجهها مثلث تروح تسوي كونتور الوجه المربع بتحديد قوي لمنطقة الفك، لان وجهها بيصير مثل هيكل عظمي 💀 لازم تستخدم الهايلايت أكثر لتوسيع منطقة الفك حتى يعطي وجهها امتلاء ، وهكذا .
الصورة الي فوق توضح أشكال الوجوه الأكثر انتشاراً ، و الأماكن المناسبة تقريباً  لتوزيع الكونتور و الهايلايت لكل شكل ، بالنسبة للأنف أشوف كل أنف يبيله تكنيك محدد في الكونتور يناسبه ، فمثلاً الي انفها طويل ماينفع تمد خطين الكونتور من فوق لتحت حيطول أكثر ،، 🙈
وأفضل طريقة تتعلمو فيها التطبيق ، انكم تشوفو بكثرة فيديوهات تطبيقية ، وياكثر اليوتيوبرز اللي يسوون ميكب ، لاتقولي لا انا اتفرج وحدة أحبها واتعلم منها ، اوكي مايخالف الي تحبينها تعلمي منها الخطوات الأساسية ، فاونديشن باودر ، طريقة التوزيع والدمج ،،، اما يكون شكل وجهها بعيد عن شكل وجهك تماماً وتجي تطبقين الكونتور الي طبقته وناسبها هذا أكبر خطأ ، كل وحدة فيكم تختار يوتيوبرز شكل وجهها قريب من شكل وجهك وتابعيها وحاولي تطبقين طريقتها
ولو فشلت مرة كرري وكرري لين تتقني الموضوع ، ومرة بعد مرة حتعرفي لنفسك أكثر و ماتحتاجين بعدها لأحد بإذن الله 😍👌🏻 .
يالله كل وحدة تكتب ايش شكل وجهها 👩🏼 انا v 🙊 وانتم 👇🏻