.
مساكم الله بالخير جميلاتي 😍
.
بكمل موضوع المنتجات الأساسية للمبتدئات مخصوص للي تفاعلو معاي 😉 ربي يسعدكم جميعا .
نجي للفاونديشن .
الفاونديشن يعتبر من أهم المنتجات الي لابد تكون عند اي مبتدئة في الميكب ( ممكن إستبداله بالبيبي كريم أو السي سي كريم خاصة للبنات و الطالبات ) .
نرجع للفاونديشن
هو مستحضر يوضع و يوزع على كامل الوجه بطريقة متساوية لإخفاء عيوب الوجه و توحيد لون البشرة و لهذا يسمى بكريم أو سائل الأساس لأنه الأساس الذي يوضع فوقه باقي مستحضرات التجميل
.
طيب تبين تشترين فاونديشن لازم تعرفي عدة نقاط وتراعيها قبل لا تشترين وأهمها :
. 🌹حددي ميزانيتك ، هل تسمح ميزانيتك بفاونديشن ما الماركات الغالية ، او تكتفي بفاونديشن من الدرق ستور الي تكون أسعارها تكون مناسبة للجميع وتنافس بجودتها أحياناً الماركات الغالية . .
. 🌹حددي نوع بشرتك : ( أفضل وقت لماتصحين من النوم )
. ✨دهنية ( تعرفيها إذا كان وجهك كله مدهن و كأن فيه زيت )
يناسبها الفاونديشن المكتوب عليه اويل فري او مات فينش ، يعطي مظهر مطفي وباودري ، مثل ايرمات من بورجوا و شيسيدو و دولتشي اند غابانا
. ✨مختلطة ( تكون خدودك جافة والتي زون والذقن فيها دهون )
يناسبها الفاونديشن اللي تركيبته أقرب للسائلة وتعطي فنش متوازن للبشرة بين الديوي والمات ، ممكن تستخدمي فاونديشن البشرة الدهنية لها بس رطبي المناطق الجافة مزبوط قبله،
كل الصف الي فوق مناسب للبشرة المختلطة ، من اليمين : جيرلان بيرفيكشن و سينساي ( فل كفر ) ، الي قدامهم ممتازين كاستخدام يومي وتغطيتهم متوسطة : لوريال ترو ماتش ، ميبيللين دريم ، اف سان لوران ، شانيل هيلثي جلو ، بسام فتوح ، باي تيري
. ✨جافة ( تكون كل البشرة جافة ومافيها أية دهون )
هذي اختاري لها فاونديشن مكتوب عليه هايدريشن يعني فيه نسبة ماء وبالتالي ترطيب للبشرة .
من أجمل الفاونديشن لها: سينساي روعة و فاونديشن كريمي مثل دريم كريمي من ميبيللين و دريم فيلروس ( تغطيتهم عالية ) من نفس الماركة دريم ساتين ليكويد و هيلثي مكس من بورجوا .
. ✨حساسة ( يكون فيها إحمرار و تطلعلك حبوب بمجرد استخدام اي مستحضر جديد او معطر ) هذي البشرة الأفضل تختار النوعية المينيرالز الي تحتوي على المعادن ، تكون غالباً علاجية ومن أفضل الماركات لها بير مينيرالز
.
..
بعد ما حددتي نوع بشرتك اعرفي أندرتونك :
التون هو لون البشرة الخارجي ( بيضا ، حنطية ، سمرا )
الأندرتون كتقريب للفهم هو لون مايتغير يكون تحت بشرتك ، لأن لون البشرة يتغير بسبب العوامل الخارجية مثل الشمس والتقدم في العمر لكن الأندرتون ثابت مايتغير .
ينقسم الأندرتون لدافي worm ، و بارد cool و متوازن او محايد natural
الموضوع هذا وااسع بس باختصار و من أسهل التجارب الي ممكن تسوينها لتعرفي أندرتونك :
شوفي لون عروقك في ضوء الشمس
أخضر : أندرتونك دافي
أزرق : أندرتونك بارد
بنفسجي : محايد . ايش لون الاكسسوار الي يلوق عليكي أكثر :
ذهبي : دافي
فضي : بارد
الاثنين يناسبوك : محايد .
ايش أكثر الوان تلوق عليك في اللبس
البني ودرجاته والاورنج و الأخضر : أندرتونك دافي
الأزرق والوردي بدرجاته : أندرتونك بارد
كل الالوان : أندرتونك محايد
.
فإذا كان أندرتونك دافي يناسبك الفاونديشن ( المائل للصفار و الأورنج )
بارد : يناسبك الفاونديشن ( اللي فيه لمحة وردي الفاونديشن الأصفر يقلب معاك رمادي )
محايد : يناسبك الفاونديشن المختلط ( اللي فيه لمحة من اللون الوردي و الأصفر ) . .
يالله كل وحدة فيكم تحاول تتعرف على اندرتونها عشان ماتتورط باختيار الفاونديشن ، الأفضل تختاري فاونديشن أغمق من بدرجة ، الي نفس لون بشرتك ممكن يقلب رمادي ، الفاتح بطلعك شاحبة وباهتة ، والغامق بيطلعلك كأن بشرتك محروقة او يقلب أورنج بعد فترة ، فالأفضل تطلبي عينة من الفاونديشن وتجربينها في البيت على منطقة الذقن والرقبة وتشوفي اللون كيف بيطلع ، وهل حيقلب معاك او لا ، لاتجربيه على يدك لأن لونها يختلف عن لون بشرة الوجه ✨ . .
عجبكم الموضوع واستفدتم منه ؟؟
.
يتبع 👈 ( الكونسيلر ، خافي العيوب )
ليست هناك تعليقات:
إرسال تعليق