تابع أساسيات المكياج للمبتدئات 👇🏻 وصلت عند البودرة وتكلمت عن النوع الأول منها وهو :
.
Loose powder ، اللوس باودر وهي البودرة الحرة ، تستخدم بعد الأساس والكونسيلر، وتكلمت عنها بالتفصيل 👉🏻
.
نجي لل Compact كومباكت باودر :
نقدر نقول عن كل الي في الصورة إنها كومباكت باودر لأنها كلها مضغوطة ، لكن هل تلاحظون اختلاف الأسماء الي على البودرات ؟
تعمدت أوضح لكم هالشي عشان تعرفو انو في اختلاف بين الأنواع المضغوطة من ناحية التغطية والغرض منها ، و بوضح لكم المقصود بكل مسمى ، عشان تعرفو تختارو الشي المناسب لكم ، وماتتعرضو للفشل بشراء المنتج الغير مناسب و لغش الباعة بسبب قلة معرفتكم بالموضوع
طيب معنى كلمة كومباكت : المضغوطة
هذي البودرة المضغوطة إما تكون . .
✨فاونديشن ( أساس مضغوط )
و هذي تستخدم بطريقتين : يمكن استخدامها كبودرة وذلك بتوزيعها بفرشة او بإسفنجة جافة للاستعمال اليومي تعطيك تغطية متوسطة للعيوب ، ممكن توزعيها فوق الفاونديشن أو بدون فاونديشن ، وممتازة لتعديل الفاونديشن إذا تحرك خارج المنزل .
وممكن تستخدم كفاونديشن ، إذا تم توزيعها بإسفنجة مبللة ، تعطي تغطية عالية ( فل كفر ) ، مثال عليها : بودرة جيرلان السودا : مناسبة للبشرة المختلطة لإحتوائها على نسبة ترطيب ،
الذهبية : مناسبة للبشرة الدهنية
. ✨بريسد Pressed = مضغوطة / بودرة اف سان لوران ، تعطي تألق ، . ✨يونيفاينج unifying = توحيد / بودرة بورجوا هيلثي بالنس ،
. ✨كومباكت = مضغوطة / بودرة اتش اند ام . الأنواع الثلاثة 👆🏻 عبارة عن
بودرة خفيفة عاديه ماتخفي العيوب بس تعطي مظهر متناغم للبشرة و تمتص الدهون وتثبت الفونديشن ومناسبة للاستخدام اليومي . ✨بودرة شفافة Sheer
مالها اي لون ولا تخفي العيوب ، خفيفة جداً تستخدم فوق الفاونديشن لتثبيته وامتصاص الدهون ، مثال عليها بودرة هيلثي جلو من شانيل و وبديل أرخص لها بودرة ايسنس ، وهذي تناسب البشرات الدهنية و المختلطة .
✨مينيرالز باودر minerals :
معروف عنها انها آمنه صحية خاليه من بودرة التلك .. ثابته خصوصا في الرطوبه بعضها علاجي كونها مكونه من معادن .. تعطي تغطية من متوسطة الى تغطية كامله وتظهر البشرة بشكل جدا طبيعي .. اهم شي إذا بشرتك دهنية تقدري تستخدمين البودرة بروحها
و إذا محتاجة ترطيب حطي شي ثابت تحتها عشان ماتتحررك بسببه ، مناسبة جداً للي تعاني من حساسية ببشرتها او تستخدم علاج لها او بعد الحف او التقشير ، ممكن توزعي سيروم معالج او مغذي او واقي شمسي وتحطي عليه البودرة ،
من أكثر البودرات الي أعشقها واستخدمها بشكل شبه يومي ماك مينيرالز سكين فنش .
. ✨لايت ريفيلينج باودر :
هي بودرة شبه شفافة مضيئة مالها اي لون عالبشرة تستخدم لتثبيت المكياج و تعمل على تحسين مظهر البشرة و لوجود حبيبات دقيقة تعمل على انعكاس الضوء ، مثال عليها بودرة جيرلان ميتورتس ، وفي منها الكرات المشهورة من الماركة نفسها ✨الكوريكتنج باودر
هي بودرة مصححة للون البشرة مالها تغطية إنما يتفاعل لونها مع لون البشرة ويصححها ، وتعطي لمسة مخملية للبشرة وتثبت المكياج ، في منها الوان بألوان المصححات الي ذكرتها سابقاً ، تختاري اللون المناسب للمشكلة الي تعاني منها
من الأمثلة عليها بودرة cc من ماك .
✨ايهم افضل الفرشة او الإسفنجة لتوزيع البودرة ؟ .
الفرشة لأنها تساعد بالتحكم في وضع طبقة خفيفة من البودرة عكس الإسفنجة الي ممكن تزيل الفاونديشن اذا استخدمتت بطريقة غير صحيحة ، الفرشة الكبيرة بالشعر الكثيف الناعم هي الأنسب مثال عليها فرشة ميكب فور ايفر و ريل تكنيك ، توضع الفرشة على البودرة ثم تنفض جيدا للتخلص من الزيادة خاصة ويتم توزيع البودرة على الوجه في حركة دائرية من أعلى لأسفل مع إتباع اتجاه نمو شعر الوجه
الإسفنجة مناسبة للكومباكت فاونديشن اكثر ، او ممكن تستخدميها إذا تبين تغطية عالية .
✨ ملاحظات مهمة :
- المبتدئة يكفيك بودرة وحدة ، بما انك عرفتي أنواعها اختاري النوع المناسب لك - إذا ماكان عندك لوس باودر استخدمي الكومباكت بدل عنها ولكن باستخدام فرشاه وليس الاسفنجيه - لا تكثري من البودره حتي لا تجفف بشرتك ضعي دائما كميه معقوله - لو كنت متقدمه في العمر او بشرتك جافة فلا تكثري من البودره خصوصا عند منطقه العين لانها ستظهر التجاعيد عندك انما يجب وضعها و لكن بكميات معقوله
بكذا أكون خلصت من ذكر أهم النقاط في موضوع البودرة .
ليست هناك تعليقات:
إرسال تعليق